أحبك واعترف إنك ملكت القلب والتفكير=وجددت الأمل فيني رويت احساسي الظامي
أبيك نْجوم في ليلي وقمراي وصباح الخير=وابيك احساس يحييني يزلزل كامل اعظامي
وابي أشكرك ياعمري بشكلٍ يعجز التعبير=وصورة تخرق العادة وفرض ودين والزامي
وابي أسكنك في صرحٍ يفوق الوصف والتصوير=تكون الآمر الناهي وقدرك عالي وسامي

يفز قلبي يوم أسمع بطاريك=يشتاق شوفك والعواطف شديدة
تنصت احاسيسي وانا بروحي أفديك=يوم ٍ تناظرني بنظرة وديدة
أهداب عيني تحتفي بك تراعيك=وانت الحبيب اللي أبيه وأريده
وانته ملاذ القلب محد ٍ يساويك=وانته ملاذ القلب يا سيد سيده
حبك بقلبي دايم ٍ محتفل فيك=وشريان قلبي انت مجرى وريده

آه مابين حلقي والضلوع=ودي ازفرهـا وعيت لا تطيع

نــاسٍ تــوفـر لـقمة الـعيـش بـالـديـن=ونـاسٍ مـفارشـهم حـريـر الـنعـامه
ونــاسٍ مــطالـبهـم كـثيـر الـملايـين=ونـاسٍ مـطالـبهـا الـستـر والكرامه
وذكـرىً تـهز الـقلـب وتـبكّي الـعيـن=وذكـرىً تـمر إبـنا مـرور السلامه
ودمـعٍ ذرف مـن جـاير البعد والبين=مـن حـرقته في لجون خدي علامه
دمـعٍ ذرف مـن حـر فـرقى المحبين=دمـع الـغريـر الـلي مـاكـمل فـطامه

انـا مهـمـا قـسـى قلـبـي بكلـمـه مـنـك احـسـه ذاب=انا من زود عشقـي لـك عشقـت العطـر فـي ثيابـك
انـا ياليـت مـغـرم فـيـك انــا كـلـي فغـرامـك شــاب=احـسـك جــزء مــن روحــي ولا اتـحـمـل غـيـابـك

لو حصل من بيننا صد وجفا=شمس حبك في عيوني ما تغيب
وفي حنانك يا بعد عمري وفاء=فيك معنى الحب يا روحي يطيب

ويش اسوي بقلبٍ ما عرفت أحتــويه=كل فرصه تجي له في الهوى ضايعه
من يجي له يصده و من يصده يجيه=بايع ٍ مشـتريه .. و شاري ٍ بايعـه !!

البارحه 00هزة خفوقي طواريك = ساعه سمعت اللي بقربي يغنيه
من يوم غنى خالد وشلون مغليك = الدمع حدر دون ماحس 00 انا فيه

ودعتك الله وانت اغلى وداعه = بعين من هو يااقرب الناس مغليك
ابيك تحفظ في حياتك قناعه = للي يحبك بصدق صعبة يخليك

يا صاحبي في خاطري أسألك شي
شي ٍ معكّر كل صافي حياتي

إن كنت مدري بـ غلاتي وأنا حي
وش مكسبي كانك حزنت بـ وفاتي