حبيبي هذا هو قلبي سبقني بكلمة احبك=خذه حطه وسط عينك مثل ما أسكنك نبضه
حبيبي عشت من أجلك وصار الهم هو حبك=وقلبي جاك متعني لغيرك معلنٍ رفضه
أحبك يا غلا روحي وروحي تهنا في قربك=وشعري يرتشف حبك ويهديك الغلا ومضة
فؤادي واسع ونبضي يذوق ويحتسي عذبك=وفكري حالم بهمسك وطاير بالفضا وعرضه
أحبك ايه انا احبك واحب اسكن وسط قلبك=واشوف الكون بعيونك وفي فكرك وفي وعظه
جمال الدنيا في حبك وفي سلمك وفي حربك=وغصونٍ يابسة بقربك تصير بشوفتك غضة
تعال ولون ايامي بألوان الفرح جنبك=وخل الدنيا في عيني جمال وجنة وروضة